හෙලිකොප්ටර් මණ්ඩලේ කචල් : සම සමාජය එළියට තල්ලු කරයි !

Date:

අලුතින් පිහිටුවන ලද ජනතා නිදහස් සන්ධානයේ ප්‍රධාන පාර්ශ්වකරුවකු වන උත්තර ලංකා සභාගයෙන් ලංකා සම සමාජ පක්ෂ ඉවත් කිරීමේ කුමන්ත්‍රණයක් ක්‍රියාත්මක වන බව ලසසප නායක මහාචාර්ය තිස්ස විතාරණ මහතා පවසයි.

උත්තර ලංකා සභාගයේ සාමාජික පක්ෂ 7න් ප්‍රධාන පක්ෂයක් ලෙස ලසසප තිබුණත් පෙරේදා (27) පැවති එම සභාගයේ මංගල මැතිවරණ රැස්වීමට තම පක්ෂයට වචනයකින් හෝ ආරාධනා කර නොතිබුණු අතර එවන් රැස්වීමක් තිබුණු බවක් තමන් දැනගත්තේ ද පසුදින බවයි ඒ මහතා සඳහන් කළේ.

එසේම හෙලිකොප්ටරය ලකුණින් මැතිවරණයට ඉදිරිපත් වන ජනතා නිදහස් සන්ධානයෙන් තරග කිරීම සඳහා තම පක්ෂය ඉදිරිපත් කළ අපේක්ෂකයින් රැසකටම එම අවස්ථාව ලබාදී නොමැති බවත් තිස්ස විතාරණ මහතා ප්‍රකාශ කළේය.

“උත්තර ලංකා සභාගය එක්ව පිහිටුවා ඇති නිදහස් ජනතා සන්ධානයෙන් තරඟ කිරිම සඳහා අප ඉදිරිපත් කළ අපේකෂකයින් රැසකට අවස්ථාව ලබා දීල නෑ. මේ විදිහට බලන කොට අපේ පක්ෂයට අනෙකුත් පළාත්වලත් මේ හා සමානව කැපිලි දාලා තියෙනවා. කුරුණෑගල දිස්ත්‍රික්කයෙන් අපි ඉල්ලූ අපේක්ෂකයින් තුනක් වත් ලැබුණේ නෑ. සම සමාජ පකෂයට බලය තියෙන මාතර දිස්ත්‍රික්කයෙනුත් අපේ අපේක්ෂකයින් ඉවත් කරල තියෙනවා. මේ සියල්ලෙන්ම පෙනෙන්නේ සම සමාජ පක්ෂයට විරුද්ධව කුමන්ත්‍රණයක් ක්‍රියාත්මකයි”

මහාචාර්ය තිස්ස විතාරණ මහතා මේ බව පැවසුවේ ඊයේ (28) මහනුවරදී පැවති මාධ්‍ය හමුවක් අමතමිනි.

RN

Share post:

spot_imgspot_img

Popular

More like this
Related

මෙවර Toronto චිත්‍රපට උළෙලේදී ජනතාවගේ තේරීමේ සම්මානය දිනා ගත් “Hamnet”!

සටහන – පුලී සැප්තැම්බර් 16, කොළඹ (LNW):  ක්ලෝයි ෂාඕගේ Hamnet...

ස්විට්සර්ලන්තය සමඟ සම්බන්ධතා තරකරගන්න ශ්‍රී ලංකා රජයට අවස්ථාවක්!

කොළඹ LNW: අමාත්‍ය ආචාර්ය උපාලි පන්නිල මහතාගේ ප්‍රධානත්වයෙන් ශ්‍රී...

විදෙස්ගත ශ්‍රී ලාංකිකයින්ට ඡන්දය දෙන්න අවස්ථාව!

කොළඹ LNW: විදෙස්ගත ශ්‍රී ලාංකිකයින්ට ඡන්දය ප්‍රකාශ කළ හැකි...

එක්සත් ජනපදයේ ධනවත්ම සංක්‍රමණික බිලියනපතියන් 5 දෙනා කවුද?

සටහන: සශිකලා මධුෂාණි සැප්තැම්බර් මස 16: ලෝකය(අවුට්බවුන්ඩ් ටුඩේ): රටවල් 41කින්...