අග්රාමාත්ය මහින්ද රාජපක්ෂ මහතාට අයත් ගිණුමකින් ඒ මහතාගේ පාර්ලිමේන්තු කටයුතු ලේකම් උදිත් ලොකුබණ්ඩාර විසින් මුදල් ඇදීමේ කතාව තවමත් මාධ්ය තුළ මහත් ආන්දෝලනයට ලක්ව තිබේ.
මේ සම්බන්ධයෙන් පසුගියදා ඇතිවූ කතාබහකදී අගමැතිවරයා සිය හිතවතුන් සමග පවසා ඇත්තේ තමන්ගේ ගිණුමකින් මුදල් සොරකම් කෙරුණු පළමු අවස්ථාව මෙය නොවන බවයි.
මීට දශක දෙක හමාරකට – තුනකට ඉහතදී හම්බන්තොට උසාවියෙහි සේවය කළ, සමීප හිතවතෙකු වූ නීතීඥයෙකු ද මේ ආකාරයෙන්ම මහින්ද රාජපක්ෂ මහතාගේ බැංකු ගිණුමකින් මුදල් ඇද ඇත.
ඒ, චෙක්පත් මාර්ගයෙනි. මහින්ද රාජපක්ෂ මහතා දැඩි විශ්වාසය මත තම චෙක්පොත අත්සන් කර එකී නීතීඥවරයා සන්තකයෙහි තබා ඇති අතර එක් අවස්ථාවක චෙක්පතක් බැංකුවෙන් අගරු කළ පසුව කළ සොයාබැලීමකදී හෙළිවී ඇත්තේ එම නීතීඥවරයා බැංකු ගිණුමේ තිබුණු මුදල් ලබාගෙන ඇති බවකි.
අදාළ නීතීඥවරයා මේ වනවිට අභාවප්රාප්ත වී ඇති අතර ඔහුගේ පුත්රයා දැනට නාමල් රාජපක්ෂ මහතාගේ කාර්ය මණ්ඩලයෙහි සේවය කරන බවත් ආරංචිමාර්ග සඳහන් කළේය.
RN