කොළඹ LNW:ඇමරිකානු ජනාධිපති ඩොනල්ඩ් ට්රම්ප් සහ ඉන්දීය අග්රාමාත්ය නරේන්ද්ර මෝදී අතර කඩිනම් හමුවක් වෙනුවෙන් දෙපාර්ශවයම සූදානම් වෙන බව විදෙස් මාධ්ය වාර්තා පෙන්වා දෙයි.
නායකයින් දෙදෙනා අතර පසුගියදා (27) පැවති දුරකථන සංවාදයක් අතරතුර ජනාධිපති ට්රම්ප් වොෂින්ටනයේදී තමන් මුණගැසෙන ලෙස ඉන්දීය අගමැතිවරයාට සුහද ආරාධනයක් කර තිබේ.
ඒ අනුව ලබන එළඹෙන පෙබරවාරියේදී එම හමුව සිදුවීමට නියමිත බවට දෙරටේ මාධ්ය වාර්තා අනාවරණය කරයි.
විශේෂයෙන් ඇමරිකාව තුළ සිටින ඉන්දියානු නීතිවිරෝධී සංක්රමණිකන් යළි රටට ගෙන්වා ගැනීම වෙනුවෙන් ඉන්දියාව ”හරි දේ” කරනු ඇති බවට අපේක්ෂා කරන බවද ජනාධිපති ට්රම්ප් පවසා තිබේ.
ද්විපාර්ශ්වික වෙළෙඳ සම්බන්ධතා ශක්තිමත් කරගැනීමත්,ගෝලීය සාමය හා ආරක්ෂාව සම්බන්ධයෙන් එක්ව කටයුතු කිරීමටත්,තාක්ෂණ ක්ෂේත්රයේ සහයෝගීතාව වර්ධනය කරගැනීමත් සිදුකරගත යුතු බවට නායකයින් දෙදෙනා දුරකථන මාර්ගයෙන් සාකච්ජා කර ඇත.
එම කරුණු පිළිබඳ දීර්ඝ වශයෙන් සාකච්ජා කිරීම වෙනුවෙන් හමුවක් පැවැත්විය යුතු වන බව ජනාධිපති ට්රම්ප් පවසා ඇති අතර ඒ අනුව අන්යෝන්ය වශයෙන් පහු දිනයක එම හමුව වෙනුවෙන් දෙපාර්ශවයම එකඟතාව පළකර ඇති බවද විදෙස් මාධ්ය වාර්තා කරයි.
නායකයින් දෙදෙනා අතර පැවති දුරකථන සංවාදය ඵලදායී එකක් බවට ඉන්දීය අගමැතිවරයා ප්රකාශ කර තිබෙන අතර ඉන්දු-පැසිෆික්, මැද පෙරදිග සහ යුරෝපයේ ආරක්ෂාව ඇතුළු කලාපීය ගැටළු රාශියක් පිළිබඳව ද ඔවුන් අවධානය යොමුකළ බව ද එම දුරකථන සංවාදය ගැන ධවල මන්දිර පණිවිඩයක ද සඳහන්ව ඇත.
ආශිකා බ්රාහ්මණ
