සටහන – රෂිකා හෙන්නායක
පෙබරවාරි , 05 කොළඹ (LNW): සංචාරයක නිරතවන ජාතික ජන බලවේගයේ නායක, අනුර කුමාර දිසානායක මහතා අද (05) ඉන්දීය විදේශ කටයුතු අමාත්ය ආචාර්ය එස්. ජයිශංකර් සමග සාකච්ඡා පැවැත්වූ බව ඉන්දීය විදේශ කටයුතු අමාත්යවරයා සිය X ගිණුමෙහි සටහනක් තබමින් පවසා ඇත.
තව දුරටත් එහි සඳහන් වී ඇත්තේ, එහිදී ද්විපාර්ශික සම්බන්ධතා සම්බන්ධයෙන් මෙන්ම ශ්රී ලංකාවේ ආර්ථික අභියෝග සම්බන්ධයෙන් පැයකට අධික කාලයක් අදහස් හුවමාරු කරගත් බවයි.
තවද, අද (05) පස්වරුවේ අනුර කුමාර දිසානායක මහතා ඉන්දියානු රජයේ ජාතික ආරක්ෂක උපදේශක Ajit Doval මහතා හමුවිය. මෙම හමුව Sardar Patel Bhavan හිදී සිදුවිය.
මෙම හමුවේදී කලාපීය ආරක්ෂාව පිළිබඳවත්, ශ්රී ලංකාව හා ඉන්දියාව අතර ද්විපාර්ශවීය සබඳතා පිළිබඳවත් දීර්ඝ ලෙස සාකච්ඡ්චාවට බඳුන්විය. හමුව සඳහා පාර්ලිමේන්තු මන්ත්රී විජිත හේරත් ද එකවූ බව සඅහන් වේ.
