අන්තර් විශ්ව විද්‍යාලීය ශිෂ්‍ය බල මණ්ඩලයේ කැඳවුම්කරු වසන්ත මුදලිගේ විසින් අද (07) පොලිස්පතිවරයා වෙත පැමිණිල්ලක් භාරදුන්නේය.
දින 167කට ආසන්න කාලයක් අත්අඩංගුවට ගෙන බොරු සාක්ෂි නිර්මාණය කරමින් මර්දනය කිරීමට උත්සහ ගැනීමට එරෙහිව පොලිස් නිලධාරීන් කිහිපදෙනෙකුට එරෙහිව එම පැමිණිල්ල ඉදිරිපත් කළ බවයි වසන්ත මුදලිගේ මාධ්‍ය වෙත අදහස් දක්වමින් පැවසුවේ.
ඒ අනුව ඉදිරියේදී නීතිපති දෙපාර්තමේන්තුවේ හැසිරීම කෙබඳුද යන්න නිරීක්ෂණය කරමින් සිටින බව ඔහු සඳහන් කරන ලදී.
සැබෑ ලෙසම අත්අඩංගුවට ගත යුතු තක්කඩි නිදහස් කිරීමට නීතිපති දෙපාර්තමේන්තුව පසුගිය කාලයේ පියවර ගත් හැටි පෙනෙන්නට තිබුණු බවයි ඔහු කියා සිටියේ.
”ලිබරල් අර්ථයෙන් ගත්තත් නීතිපති දෙපාර්තමේන්තුව කියන්නේ පොලීසිය කියන කියන ඔක්කොම කරන්න ඉන්න එක නෙවෙයි. ආණ්ඩුව කියන කියන එක කරන්න ඉන්න එක නෙවෙයි. නීතිපති දෙපාර්තමේන්තුවට වගකීමක් තිබෙනවා රටේ ජනතාව වෙනුවෙන් පෙනී සිටින්න. හැබැයි පහුගිය කාලේ ජනතාව වෙනුවෙන් පෙනී සිටිනවා වෙනුවට නීතිපති දෙපාර්තමේන්තුව කළේ ආණ්ඩුව හුරතල් කරන තීරණ ප්‍රමාණයක් ගත්ත එක. ” යනුවෙන් ඔහු වැඩිදුරටත් ප්‍රකාශ කළේය.
ආශිකා බ්‍රාහ්මණ
