සටහන – රෂිකා හෙන්නායක
පෙබරවාරි , 07 කොළඹ (LNW): දකුණු සුඩානයේ සාම සාධක රාජකාරි සඳහා දහවන යුද හමුදා වෛද්‍ය කණ්ඩායම දිවයිනෙන් පිටත්ව ගිය බව සඳහන් වේ.
යුද හමුදා වෛද්‍ය බළකායේ දහවන වෛද්‍ය කණ්ඩායම මෙසේ දිවයිනෙන් පිටත්ව ගියේ, එක්සත් ජාතීන්ගේ සාම සාධක රාජකාරි සදහා දකුණු සුඩානයේ ක්‍රියාත්මක දෙවන මට්ටමේ රෝහල් රාජකාරි සඳහායි.
ඊට නිලධාරීන් 14 දෙනෙකු, නාවික හමුදාවේ එක් නිලධාරියෙකු මෙන්ම සෙසු නිලයන් 49 දෙනෙකු හා යුද හමුදා සාමාජිකයින් 64 දෙනෙකු ඇතුළත් බව සඳහන් වේ.
මෙරටින් පිටත්ව යන වෛද්‍ය බළකා කණ්ඩායමට සුබ පැතීම සදහා වෛද්‍ය බළකායේ බළකාධිපති සහ සෞඛ්‍ය සේවා අධ්‍යක්ෂ ජෙනරාල් මේජර් ජෙනරාල් පී ඒ සී ප්‍රනාන්දු මහතා ඇතුළු උසස් නිලධාරීන් පිරිසක් කටුනායක ගුවන් තොටුපොළ වෙත පැමිණ සිටි බව වාර්තා වේ.
