රෂිකා හෙන්නායක පෙබරවාරි 09, කොළඹ (LNW):
15 වැනි වරටත් පැවැත්වෙන, වසරේ දැවැන්තම පාවහන් සහ සම්භාණ්ඩ ප්‍රදර්ශනය මේ වන විට කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා (BMICH) පරිශ්‍රයේ අතිවිශාල ජනතාවකගේ සහභාගීත්වයෙන් පැවැත්වේ.
පසුගිය පෙබරවාරි 06 වැනි දින ආරම්භ වූ මෙම ප්‍රදර්ශනය අතිසාර්ථක සිව්වැනි දිනයටත් අද (09) දින ක්‍රියාත්මක අතර අද එහි අවසාන දිනයයි. මෙවර ප්‍රදර්ශනයේ පළමු දිනයේ සිටම වාර්තාගත ජන සහභාගීත්වයක් දක්නට ලැබුුුණු බව, පාවහන් සහ සම්භාණ්ඩ නිෂ්පාදකයින්ගේ සංගමයේ සභාපති සහ පාවහන් සහ සම්භාණ්ඩ ප්‍රදර්ශනයේ සංවිධායක කමිටු සභාපති නෙවිල් පෙරේරා මහතාගේ අදහස් දක්වමින් කියා සිටියේය.
15 වැනි පාවහන් සහ සම්භාණ්ඩ ප්‍රදර්ශනයේ සමාරම්භය සිදුවූයේ, කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතාගේ ප්‍රධානත්වයෙනි.
