සටහන – රෂිකා හෙන්නායක
පෙබරවාරි , 09 කොළඹ (LNW): අද උදෑසන ( 09) ජාත්යන්තර සංවර්ධනය සඳහා වන ඇමෙරිකානු එක්සත් ජනපද නියෝජිත ආයතනයේ තාක්ෂණික සහ මූල්ය සහයෝගීතාවය මත ක්රියාත්මක වන බලශක්ති ව්යාපෘති සහ විදුලිබල මණ්ඩලයේ ප්රතිව්යුහගත කිරීමේ වැඩපිළිවෙළ සම්බන්ධයෙන් සාකච්ඡාවක් පැවැත්වුණි.
මෙහිදී ප්රතිව්යුහගත කිරීමේ කටයුතු වල වත්මන් ප්රගතිය, සහයෝගිතා ආයතන වල සහ පාර්ශවකරුවන්ගේ අදහස් අනුව සිදුවන නව විදුලිබල පනතේ සංශෝධන, ප්රතිව්යුහගත කිරීමේ කටයුතු වල කාලරාමුව සහ පුනර්ජනනීය බලශක්ති සංකලන ව්යාපෘති සම්බන්ධයෙන් ජාත්යන්තර සංවර්ධන සදහා වන ඇමෙරිකානු එක්සත් ජනපද නියෝජිත ආයතනයේ නියෝජිතයන් දැනුවත් කරන ලද අතර පුනර්ජනනීය බලශක්ති ව්යාපෘති ඇගයීම් සදහා වන තාක්ෂණික සහය විදුලිබල අංශයේ හා මහජන උපයෝගීතා කොමිසමේ නව ව්යුහය ශක්තිමත් කිරීම සඳහා අවශ්ය සහයෝගය ලබාදෙන ලෙසද ඔවුගෙන් ඉල්ලීමක් කර ඇත.
තවද මහජන උපයෝගීතා කොමිසමට විදුලිබල මණ්ඩලයේ විදුලිය බෙදා හැරීමේ විගණනයක් කිරීම වෙනුවෙන් ඔවුන්ගේ සහය ලබා දෙන බව දන්වා ඇති බව සඳහන් වේ.
ජාත්යන්තර සංවර්ධනය සදහා වන ඇමෙරිකානු එක්සත් ජනපද නියෝජිත ආයතනයේ මෙරට මෙහෙයුම් අධ්යක්ෂ ගේබ්රියල් ග්රෞ, ආර්ථික සංවර්ධන කටයුතු කාර්යාලයේ අධ්යක්ෂ මේ සඳහා සහභාගි වී ඇත.
