කොළඹ LNW: ශ්‍රී ලංකාවේ ගුවන් තොටුපොළ 03ක පරිපාලනය ලබාගැනීම සම්බන්ධයෙන් ඉන්දියාවේ අදානි සමූහය මෙරට බලධාරින් සමඟ සාකච්ඡා පවත්වා තිබෙන බව ඉන්දීය මාධ්‍යය වාර්තා කර තිබේ.
කොළඹ බණ්ඩාරනායක ජාත්‍යන්තර ගුවන්තොටුපොළ, කොළඹ රත්මලාන ගුවන් තොටුපොළ සහ මත්තල රාජපක්ෂ ජාත්‍යන්තර ගුවන්තොටුපොළ සම්බන්ධයෙන් එම සාකච්ඡා පවත්වා ඇති බවයි ද හින්දු ව්‍යාපාරික වෙබ් අඩවිය සඳහන් කර තිබෙන්නේ.
එම ගුවන් තොටුපොළවල පහසුකම් පුළුල් කිරීමට සහ මගී ධාරිතාව වැඩි කිරීම සඳහා පෞද්ගලික හවුල්කරුවෙකුගේ සහාය අපේක්ෂා කරන අතර ඒ සඳහා අදානි සමූහය මෙරට බලධාරින් සමග සාකච්ඡා කරමින් සිටින බව එම මාධ්‍ය වාර්තා කර සිටියි.
අදානි සමූහය විසින් ඉන්දියාවේ මුම්බායි ජාත්‍යන්තර ගුවන් තොටුපොළ ඇතුළු ගුවන් තොටුපොළ 07ක පරිපාලන කටයුතු මෙහෙයවීම සිදුකරමින් පසුවන අතර ඔවුන් මෙරට විදුලි බල ක්ෂේත්‍රයේ ආයෝජන සඳහා ද එක්වීමට අපේක්ෂාවෙන්ද පසුවෙයි.
ASK
