නාමල්ට එරෙහි පැමිණිල්ලක් කැඳවීම අගෝස්තු මස 7 වනදා!

රෂිකා හෙන්නායක පෙබරවාරි 13, කොළඹ (LNW):

අද (13) දින පාර්ලිමේන්තු මන්ත්‍රී නාමල් රාජපක්ෂ මහතා ඇතුළු සැකකරුවන් පිරිසකට අදාළව ගත යුතු ක්‍රියාමාර්ගය පිළිබඳව නීතිපති උපදෙස් විමසීමට කටයුතු කර ඇතැයි, අපරාධ පරීක්ෂණ දෙපාර්තමේන්තුව කොළඹ මහෙස්ත්‍රාත් අධිකරණයට දැනුම් දී ඇති අතර, මෙම පැමිණිල්ල අද කොළඹ මහෙස්ත්‍රාත් අධිකරණය හමුවේ කැඳවූ අවස්ථාවේදී සැකකාර නාමල් රාජපක්ෂ ඇතුළු පිරිස අධිකරණය හමුවේ පෙනී සිටි බව පැවසේ.

මෙම සිද්ධියට අදාළ විමර්ශන අවසන් කොට උදෘත නීතිපති දෙපාර්තමේන්තුව වෙත යොමුකර ඇති බවත්,නීතිපති උපදෙස් මෙතෙක් ලැබී නොමැති බවත් , අපරාධ පරීක්ෂණ දෙපාර්තමේන්තුවේ නිලධාරීන් අධිකරණය හමුවේ සඳහන් කර ඇත.

ඒ අනුව පැමිණිල්ල අගෝස්තු මස 7 වනදා යළි කැඳවීමට නියම කළ මහෙස්ත්‍රාත්වරිය එදින නීතිපති උපදෙස් සම්බන්ධයෙන් අධිකරණයට දැනුම් දෙන ලෙසත් නියම කළ බව වාර්තා වේ.

මෙම පැමිණිල්ල, පාර්ලිමේන්තු මන්ත්‍රීවරයකු වශයෙන් කටයුතු කරමින් අයථා ලෙස උපයාගත් රුපියල් මිලියන 15ක මුදලක් එන්.ආර්.කන්සල්ටන්සි නමැති සමාගමේ ආයෝජනය කිරීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදුකළේ යැයි චෝදනා කොට පාර්ලිමේන්තු මන්ත්‍රී නාමල් රාජපක්ෂ එම සමාගමේ අධ්‍යක්ෂවරුන් වශයෙන් කටයුතු කළ නිත්‍යා සේනානී සමරනායක, සුජානි බෝගල්ලාගම සහ සුදර්ශන ගනේගොඩ යන අයට එරෙහිව ඉකුත් යහපාලන රජය සමයේ අධිකරණයට ඉදිරිපත් කර තිබුණු බව සඳහන් වේ.

Share post:

spot_imgspot_img

Popular

More like this
Related

ස්වභාවධර්මයේ සහ සංස්කෘතියේ අපූරු සුසංයෝගය: Arashiyama in Kyoto

රෂිකා හෙන්නායක නොවැම්බර් 16, කොළඹ LNW: ජපානයේ සංචාරය කරන ඕනෑම...

වසර ගණනාවක ප්‍රමාදයන්ගෙන් අනතුරුව, ශ්‍රී ලංකාව අවසානයේ සයිබර් ආරක්ෂණ නීතිය අභියස!

රෂිකා හෙන්නායක නොවැම්බර් 16, කොළඹ LNW: වසර ගණනාවක් පුරා අසාර්ථක...

ගැඹුරු මුහුදේදී හදිසියේ බරපතල ලෙස රෝගාතුරවු ධීවරයෙකු බේරාගැනේ!

රෂිකා හෙන්නායක නොවැම්බර් 16, කොළඹ LNW: ඉන්දියන් සාගරයේ දකුණු දෙසින්...

ලෝක වෙළෙඳපොළේ බොරතෙල් මිල තවදුරටත් පහත වැටෙයි – ඉල්ලුමට වඩා සැපයුමේ ඉහළ යාමක්!

ආශිකා බ්‍රාහ්මණකොළඹ LNW:ලෝක වෙළෙඳපොළේ බොරතෙල් මිල තවදුරටත් පහළ ගොස්...