මූල්‍ය වංචා චෝදනාවක් සම්බන්ධයෙන් අමාත්‍ය බන්දුල ගුණවර්ධන මහතා විසින් වහාම ක්‍රියාත්මක වන පරිදි වැඩ තහනමට ලක් කළේයැයි පැවසුණු සතොස ආයතනයේ සභාපති නීතීඥ වෙනුර ගුණවර්ධන මහතා ඊයේ (15) දිනයේදී යළි සේවයට වාර්තා කර තිබේ.
යළි රාජකාරි කටයුතු ආරම්භ කර සිටි ඒ මහතාගෙන් මාධ්‍ය කළ විමසීමකදී ඒ මහතා සඳහන් කර තිබුණේ තමන්ට එරෙහිව එල්ල වී ඇත්තේ හුදෙක් පුවත්පත් මගින් කළ චෝදනාවක් පමණක් බවත් තමන්ව වැඩ තහනමකට ලක් කර නොමැති බවත් ය.
කෙසේවෙතත් මේ පිළිබඳ අදහස් දක්වමින් සතොස නියෝජ්‍ය සභාපති නීතීඥ තුෂාර දිසානායක මහතා මාධ්‍ය වෙත පැවසුවේ වෙනුර ගුණවර්ධන මහතාව සේවයෙන් ඉවත් කර ඇති බවත් ඔහු එම ලිපිය තමන් වෙත නොලැබුණේ යැයි පවසමින් සේවයට පැමිණීම යනු ඔහුගේ සදාචාරය පිළිබඳ ප්‍රශ්නයක් බවත් ය.
RN
