රෂිකා හෙන්නායක පෙබරවාරි 17, කොළඹ (LNW):
මෙවර අයවැයෙන් ශ්‍රී ලංකාවේ විදෙස්ගත ශ්‍රමිකයන් උපයන මුදලට සාධාරණයක් ඉටු කිරීම වෙනුවෙන් යෝජනා කිහිපයක් ඉදිරිපත් කර තිබේ. ඒ අනුව ජනාධිපතිවරයා පැවසුවේ, විදෙස්ගත ශ්‍රී ලාංකිකයින් දිරිගැන්වීම හා ත්‍යාග පිරිනැමීමේ ක්‍රම ගවේෂණය කරමින් සිටින බව ය.
එහි පළමු පියවර ලෙස විදෙස්ගත ශ්‍රී ලාංකික ප්‍රජාව දිවයිනට පැමිණෙන විට ගුවන්තොටුපොළේ දී ලබාදෙන තීරුබදු නිදහස් සීමාව වැඩි කිරීමට යෝජනා කර ඇති බවත්, දීමනාව සඳහා වන නිර්ණායකයන් හා පදනම ප්‍රසිද්ධ කරන බවත්, අද (17) පාර්ලිමේන්තුවේ දී මංගල අයවැය යෝජනා ඉදිරිපත් කරමින් ජනාධිපතිවරයා පවසා සිටියේය.
