බොරැල්ල, ආනන්ද රාජකරුණා මාවතේ සුඛෝපභෝගී මහල් නිවාස සංකීර්ණයක් ඉදිරිපිටදී ඊයේ (19) රාත්‍රියේ වෙඩිතැබීමක් සිදුව තිබේ.
මෙම වෙඩිතැබීමෙන් අදාළ මහල් නිවාස සංකීර්ණයේ කුලී පදනම මත පදිංචිව සිටි 38 හැවිරිදි පුද්ගලයෙකු තුවාල ලබා කොළඹ ජාතික රෝහලට ඇතුළත් කර ඇත.
යතුරුපැදියකින් පැමිණි නාඳුනන තුවක්කුකරුවකු මෙම වෙඩිතැබීම සිදුකර පළාගොස් ඇති බව සඳහන්.
වෙඩිවැදීමෙන් තුවාල ලැබූ පුද්ගලයා මත්ද්‍රව්‍ය ජාවාරම්වලට සම්බන්ධ පුද්ගලයෙකු බවට හඳුනාගෙන ඇති බවත් ඔහු මීට දින කිහිපයකට පෙර රක්ෂිත බන්ධනාගරගතව සිට ඇප මත නිදහස්ව පැමිණි අයෙකුත් බවත් පොලීසිය පවසයි.
බොරැල්ල පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි.
RN
