නිපොන් පේන්ට් ප්‍රදාන අනුග්‍රාහකත්වය දරන පිළිමළුන් පිටු දැකීමේ රගර් තරගාවලිය පෙබරවාරි 24 වන දා ආරම්භ වීමට නියමිතය.දීර්ඝ ඉතිහාසයක් ඇති ක්ලෆර්ඩ් කප් තරගාවලිය ලෙස ප්‍රකට මෙම තරගාවලිය මෙවර වර්ණවත් කරන්නට නිපොන් පේනට් සමඟ Webxpay Siddaleppa Ad Sports යන අනුග්‍රහාකයන්ද එක් වි ඇත.
ලීග් සූරතාවයේ ඉහළ සහ පහළයා වෙන ආකාරයට තරග සටහන සකස් කර ඇති මෙම තරගාවලියේ පළමු හමුව සිඳු වීමට නියමිත පෙරවාරි 24 වන දා පල්ලෙකැලේ දී ය.එහිදී ලීග් සූරයන් වන මහනුවර ක්‍රීඩා සමාජය සහ අටවන තැනට පත් සීඑච් ඇන්ඩ් එෆ්සී කණ්ඩායම් පිළිමළුන් පිටුදැකීමේ තරගාවලියේ ප්‍රථම තරගය සඳහා හමු වනු ඇත.
පෙබරවාරි 26 වන දා වන විට පිළමළුන් පිටුදැකීමේ තරගාවලියේ පළමු වටයේ තරග 4 නිමාවට පත්වන අතර අවසන් පූර්ව තරග පැවත්වෙන්නේ මාර්තු පළවන දා සහ දෙවන දා ය.මෙම තරගාවලියේ අවසන් තරගය මාර්තු 5 වන දා පැවත්වීමට නියමිතය.එදිනම කාන්තා ලීග් තරගාවලියේ අවසාන තරගය ද ශ්‍රි ලංකා යුද හමුදා කණ්ඩායම සහ නාවික හමුදා කණ්ඩායම් අතර පැවත්වීමට සූදානම් කර ඇත.
නිෂ්මන් රණසිංහ
