තරග 03 කින් සමන්විත 20/20 තරගාවලියක් සඳහා ශ්‍රී ලංකා කණ්ඩායම මේ වනවිට ඉන්දියාවට ගොස් සිටී. ඔස්ට්‍රේලියානු තරග සංචාරය අවසන්වීමෙන් පසුව කණ්ඩායම ඉන්දියාවට පැමිණියේය.
කෙසේ නමුත් වනිඳු හසරංග තවමත් ඔස්ට්‍රේලියාවේ රැඳී සිටින බවයි වාර්තා වන්නේ. ඔස්ට්‍රේලියානු තරගාවලිය අතරතුර කොවිඩ් ආසාදනය වූ වනිඳුට එම තරගාවලිය අහිමි විය.
සිය නිරෝධායන කාලසීමාව අවසන්වීමෙන් පසුව සිදුකළ PCR පරීක්ෂණයේදී තහවුරු වී තිබෙන්නේ ඔහුගේ ශරීරයේ තවමත් කොවිඩ් 19 වෛරසය ක්‍රියාත්මක බවයි. මේ නිසා ඔහුට සුවය ලබන තෙක් ඔස්ට්‍රේලියාවෙන් පිටවීමට නොහැකි වන අතර මේ නිසා ඉන්දියානු තරගාවලිය අහිමි වේ.
ශ්‍රී ලංකා සීමිත ඕවර් කණ්ඩායමේ අංක එකේ දඟපන්දු යවන්නා වන වනිඳු අහිමි වීම කණ්ඩායමට විශාල පාඩුවක් වනු ඇත. ඔහු වෙනුවට මේ දක්වා වෙනත් ක්‍රීඩකයකෙු පත් කර නොමැත.
ඉන්දියාව සමග 20/20 තරගාවලිය පළමු තරගය හෙට ආරම්භවීමට නියමිතය.
UN
