ජනාධිපති රනිල් වික්රමසිංහ මහතා පවසන්නේ ලෝකයේ සිදුවන ස්වභාවික ආපදා අවස්ථාවන්හිදී හමුදා සාමාජිකයන් විදේශගත කිරීමේ ඒකකයට අමතරව සෞඛ්යය ව්යසනයන්හිදී ද හමුදා කණ්ඩායම් විදේශගත කිරීමට වෙනම ඒකකයක් ස්ථාපිත කරන බවයි.
වත්මන් අර්බුදකාරී තත්ත්වය හමුවේ ඖෂධ හිඟයට පිළියම් යෙදීම සඳහා ඉන්දීය ණය යෝජනා ක්රමය යටතේ තවත් ඖෂධ ලබා ගැනීමට නියමිත බවයි ජනාධිපතිවරයා පැවසුවේ.
කටුනායක පැවති ශ්රී ලංකා ත්රිවිධ හමුදා වෛද්ය විද්යාර්ථකයින්ගේ විද්යායතනයේ 6 වැනි වාර්ෂික අධ්යයන සැසියේ සමාරම්භක අවස්ථාව අමතමින් ජනානධිපතිවරයා මෙම අදහස් පළ කළා. සෞඛ්යය ක්ෂේත්රය වෙනුවෙන් වැඩි විදේශ විනිමයක් ලබා දීමට රජය කටයුතු කරමින් සිටින බව ද එහිදී ප්රකාශ කෙරුණා.
ජනාධිපති රනිල් වික්රමසිංහ මහතා පැවසුවේ
මේවනවිට වෛද්ය පර්යේෂණ ආයතනය කලාපයේ ඇති හොඳම වෛද්ය පර්යේෂණ ආයතනය බවට පත් කිරීමට සෞඛ්ය අමාත්යාංශය සමඟ සාකච්ඡා කරමින් සිටින අතර , අඩු ආදායම්ලාභීන්ට පෞද්ගලික රෝහල් සේවාව ලබා ගත හැකි වන පරිදි සෞඛ්ය රක්ෂණාවරණයක් ලබා දීම සම්බන්ධයෙන්ද සාකච්ඡා කරමින් සිටින බවයි .
රජයේ රෝහල් සඳහා ගෙවන වාට්ටු හඳුන්වා දීමටත් පෞද්ගලික රෝහල් සඳහා ගෙවීම් නොකළ යුතු වාට්ටු හඳුන්වා දීමටත් ඇති හැකියාව පිළිබඳවද අධ්යයනය කරමින් සිටින බවද මෙහිදී ප්රකාශ කලා.
රෂිකා හෙන්නායක