සටහන – රෂිකා හෙන්නායක
පෙබරවාරි, 26 කොළඹ (LNW):රත්ගම සිට පෑලියගොඩ මත්ස්‍ය වෙළද සංකීර්ණය වෙත යමින් සිටි ලොරි රථයක් සිමෙන්ති ප්‍රවාහනය කරමි තිබූ ලොරි රථයක පිටුපස ගැටීමෙන්, දක්ෂිණ අධිවේගී මාර්ගයේ කොට්ටාව සහ කහතුඩුව කිලෝමීටර් 4 කණුව අසලදී සිදුවූ රිය අනතුරකින් පුද්ගලයෙකු මියගොස් තවත් දෙදෙනෙකු තුවාල ලබා ඇත.
අනතුර සිදුවූ අවස්ථාවේ එම ස්ථානයට ළගා වූ ගැලනිගම රථවාහන ඒකකයේ නිලධාරීන්, ගිනි නිවන ඒකකයේ නිලධාරීන් සහ ජීවිත ගලවා ගැනීමේ ඒකකයේ පොලිස් විශේෂ කාර්ය බලකා නිලධාරීන් කුඩා ලොරි රථය තුළ සිරවී සිටි පුද්ගලයින් තුන් දෙනා පිටතට ගැනීමට විනාඩි 20ක පමණ මෙහෙයුමක් සිදුකර ඇත.
බරපතල තුවාල ලබා සිටි තුන්දෙනෙකු හෝමාගම මූලික රෝහලට ඇතුළත් කෙරුණු අතර එහිදී එක් අයෙකු මියගිය බව රෝහල් වාර්තා සදහන් කළා.
පොලීසිය පවසන්නේ, ලොරි රථයේ රියදුරුට නින්දයාම හේතුවෙන් අනතුර සිදුව ඇති බවයි.
