නිශ්මං රණසිංහ පෙබරවාරි 05, කොළඹ LNW:
පානදුර ශාන්ත අන්තෝනි බාලිකාවේ වෙනුකි විහන්සා මේ දිනවල පැවත්වෙන MCA WOMEN’S U19 INTER-STATE T20 PREMIER CUP 2026 තරගාවලියේදී ඉහළ දස්කම් දක්වමින් සිටිනවා.ශ්‍රී ලංකා අවුරුදු 19 න් පහළ කණ්ඩායම තුළ පවා නොරැඳෙන මේ ක්‍රීිඩිකාව ඇය නියෝජනය කරන සරවාක් කණ්ඩායම වෙනුවෙන් තුන් ඉරියව් දස්කම් දක්වමින් මැලේසියානු ක්‍රිකට් ලෝලීන්ගේ අවධානය දිනාගෙන සිටිනවා.
මේ දක්වා තරග තරග හතක් ක්‍රීඩා කර ඇති ඇය පන්දු යැවිමෙන් කඩුලු 7 ක් දවා ගන්නට සමත්ව සිටිනවා.ඇය ඒ සඳහා පන්දුවාර 19 ක් යවා ලබා දී ඇත්තේ ලකුණු 44 ක් පමණයි.කඩුලුලාභින් අතර 7 වන තැන සිටින වෙනුකි,ඒ කඩුලුලාභින් අතර පන්දු ඕවරයකට අඩුම ලකුණු ප්‍රමාණයක් ලබා දුන් පන්දු යවන්නිය ලෙස ද කැපී පෙනෙනවා.ඇයගේ පන්දු ඕවරයක ලකුණු සාමාන්‍ය වන්නේ 2.32 ක් පමණයි.
පිතිකරණයේදී ද පළමු පිතිකරුවන් පස් දෙනා අතර සිටින ඇය තරග 6 ක් තුළ ඉණිම් 5 ක් ක්‍රීඩා කර එක් ඉණිමක නොදැවී සිට මුළු ලකුණු එකතුව 86 ක් එක් කරගෙන සිටිනවා.ඇය පස්වන තැන රැඳෙමින් පිතිකරණයේදී ද කැපී පෙණෙන දස්කම් දක්වමින් සිටිනවා.
