කොළඹ (LNW): ශ්‍රී ලංකාව ඉන්දියාවේ කොටසක් බවට හරීන් ප්‍රනාන්දු අමාත්‍යවරයා සිදුකළ ප්‍රකාශයට සිවිල් සංවිධාන විසින් අදත් විරෝධතාවක් සංවිධානය කර තිබුණි.
සංචාරක අමාත්‍යාංශය එය ඉදිරිපිට එය සංවිධානය අකර තිබුණු අතර එම ස්ථානයට් පොලීසිය යොදවා විරෝධතාව පැවැත්වීම අවහිර කර තිබුණු හෙයින් විරෝධතාකරුවන් මෙරට ඉන්දියනු මහකොමසාරිස් කාර්යාලය ඉදිරිපිටට ගොස් එම විරෝධය දක්වන ලදී.
ඉන්දියාව භූ දේශපාලනික උවමනාවන් වෙනුවෙන් ජාතික සම්පත් විකිණිම සහ ජාතික ආර්ථිකය ඉන්දියානු ගොදුරක්බවට පත් කරන එට්කා ගිවිසුමට එරෙහිව ජනතා විරෝධය ලෙස එම විරෝධය ප්‍රකාශ කර තිබුණු නමුත් ඉන්දියානු මහකොමසාරිස් කාර්යාලය විසින් විරෝධතාකරුවන්ගේ සංදේශය භාර ගැනීම ප්‍රතික්ෂේප කර තිබේ.
ඒ අනුව විරෝධයට එක් වූ පිරිස මහකොමසාරිස් කාර්යාලය ඉදිරිපිට වාඩි වී විරෝධය පළ කළේ අදාළ සංදේශය භාරගන්නා ලෙස බලකරමිනි.
එහෙත් අවස්ථා දෙකකදීම ඉන්දියානු මහකොමසාරිස් කාර්යාලය එය ප්‍රතික්ෂේප කළ හෙයින් එම සංදේශය ඉරාදමා ඉන්දියාවට විරෝධය පළකර විරෝධතාකරුවන් විසිර ගොස් ඇත.
ජායාරූප – අජිත් සෙනෙවිරත්න
