වරාය ,ගුවන් තොටුපොළ හා මගී ප්රවාහන සේවා හා ආශ්රිත සේවාවන් අත්යාවශ්ය සේවාවන් බවට පත් කරමින් ජනාධිපති රනිල් වික්රමසිංහ මහතා විසින් අතිවිශේෂ ගැසට් නිවේදනයක් නිකුත් කර තිබේ.
මගීන් හෝ භාණ්ඩ පිටකිරීම්, මැදිරි, ගොඩබෑම, ගබඩා කිරීම, බෙදා හැරීම සහ ආහාර පාන භාණ්ඩ හෝ ගල් අඟුරු, තෙල්, ඉන්ධන ඕනෑම වරායක් තුළ ඇති යාත්රාවලින් ඉවත් කිරීම සඳහා පොදු ප්රවාහන සේවා මෙසේ අත්යාවශ්ය සේවාවන් බවට පත් කර ඇත.
රේගු ආඥාපනතේ (පරිච්ඡේද 235) අරමුණු සඳහා අර්ථ දක්වා ඇති අතර, මාර්ග, පාලම්, බෝක්කු, ගුවන් තොටුපළ, වරාය සහ දුම්රිය මාර්ග ඇතුළු මාර්ග, දුම්රිය හෝ ගුවන් මගින් ප්රවාහන සේවා සඳහා අවශ්ය පහසුකම් සැපයීම සහ නඩත්තු කිරීම, වහාම ක්රියාත්මක වන පරිදි අත්යවශ්ය සේවා ලෙස අර්ථ දක්වා ඇත.
ජනාධිපතිවරයා විසින් මෙම අතිවිශේෂ ගැසට් නිවේදනය නිකුත් කර ඇත්තේ හෙට (01) දිනයේදී ඉහත සේවාවන් ඇතුළු වෘත්තීය සමිති ගණනාවක් වැඩවර්ජනයක් සිදුකිරීමට නියමිත පසුබිමක ය.
RN
