සටහන – රුවන් නෙළුගොල්ල
ඉන්ධන පෝලිම් ඇතිවීම, හදිසියේ විදුලිය විසන්ධි වීම වැනි පොඩි පොඩි දෑ සිදුවන නමුත් ඒවා ජාතික ප්‍රශ්න බවට පත්නොවන බව කෘෂිකර්ම හා පශූ සම්පත් නියෝජ්‍ය අමාත්‍ය නාමල් කරුණාරත්න පවසයි.
ප්‍රශ්නය – ආපහු තෙල් පෝලිම් ඇවිල්ලා තියෙනවා. මොකක්ද ඇත්තටම වෙලා තියෙන්නෙ ?
“ඇත්තටම මෙහෙමයි ඉතින්, සමහර පොඩි චූටි චූටි පොඩි පොඩි කතන්දර වෙන අවස්ථාවන් තියෙනවානෙ. හිටි ගමන් විදුලිය බිඳවැටෙනවා, සන්නිවේදනය හිටිගමන් බිඳවැටෙනවා, ඒ වගේ පොඩි පොඩි ඇබැද්දි සිද්ධ වෙනවා. ඒ ඇබැද්දි සිද්ධ වුණායි කියලා මේක ජාතික ප්‍රශ්නයක් බවට පත්වෙන්නෙ නැහැ. එහෙම ප්‍රශ්නයක් ඇතිවෙන්න කිසිම හේතුවක් නැහැ. තාවකාලිකව සමහර චූටි චූටි දේවල් මතුවෙනවා, නැත්තෙ නැහැ. ඔය හිටිගමන් කරන්ට් එක යන්නෙ, එහෙම වෙනවා”
නාමල් කරුණාරත්න නියෝජ්‍ය ඇමතිවරයා මේ බව පැවසුවේ ඊයේ (මාර්තු 01) පැවති උත්සවයකින් අනතුරුව මාධ්‍ය වෙත අදහස් දක්වමිනි.
