වනජීවී හා වන සම්පත් සංරක්ෂණ කැබිනට් අමාත්‍යවරයා වශයෙන් සී.බී. රත්නායක මහතා අද (04) ජනාධිපතිවරයා හමුවේ දිවුරුම් දී තිබේ.
මීට පෙර ඒ මහතා වනජීවී කැබිනට් අමාත්‍යවරයා වශයෙන් කටයුතු කළ නමුත් වන සංරක්ෂණයට අදාළ විෂය පථයන් බෙදීයාම සම්බන්ධයෙන් එහි රාජ්‍ය අමාත්‍ය විමලවීර දිසානායක මහතා සමග නිරන්තරයෙන් ගැටලු ඇතිවී තිබිණි. ඒ තත්වය මත සී.බී. රත්නායක මහතා පසුවූයේ දැඩි කළකිරීමකිනි.
ඒ අනුව අද දිනයේදී විමලවීර දිසානායක මහතාව වන සංරක්ෂණයෙන් ඉවත්කර ආපදා කළමනාකරණ රාජ්‍ය අමාත්‍යවරයා වශයෙන් පත්කර ඇත. ආපදා කළමනාකරණ විෂය මීට පෙර පැවතියේ චමල් රාජපක්ෂ මහතා යටතේ ය.
RN
