සටහන – රුවන් නෙළුගොල්ල
කූඨ ලේඛනයක් ඉදිරිපත් කර ශ්‍රී ලාංකික විදේශ ගමන් බලපත්‍රයක් ලබාගැනීම සම්බන්ධයෙන් හිටපු රාජ්‍ය අමාත්‍ය ඩයනා ගමගේට එරෙහිව ගොනුකර ඇති නඩුව ඊයේ (මාර්තු 05) කොළඹ මහාධිකරණය හමුවේ කැඳවනු ලැබිණි.
එහිදී පැමිණිල්ලේ සාක්ෂි සටහන් කරගැනීම සිදුකෙරිණි.
ඉන් අනතුරුව නඩුවේ වැඩිදුර විභාගය මැයි 28 වනදා දක්වා කල්තැබීමටයි කොළඹ මහාධිකරණ විනිසුරු මංජුල තිලකරත්න මහතා නියම කළේ.
2004.10.09 – 2004.12.01 අතර කාලසීමාව තුළ පානදුර සහ කොළඹ ප්‍රදේශවලදී ව්‍යාජ ලෙස සකස් කරන ලද ජාතික හැඳුනුම්පතක් ඉදිරිපත් කර කූඨ ලෙස මෙරට විදේශ ගමන් බලපත්‍රයක් ලබාගැනීම සම්බන්ධයෙන් ඩයනා ගමගේට එරෙහිව නීතිපතිවරයා විසින් මෙම නඩුව ගොනුකර ඇත.
