හිටපු අමාත්‍ය මර්වින් සිල්වා ඊයේ (05) රාත්‍රියේදී අපරාධ පරීක්ෂණ දෙපාර්තමේන්තුව විසින් අත් අඩංගුවට තිබිණි.
ඒ, නාගරික සංවර්ධන අධිකාරියට අයත් ඉඩමක කඩ කාමර ඉදිකර ඒවාට කූඨ ලේඛන සකස් කර විකිණීමේ සිද්ධියක් සම්බන්ධයෙන් බවයි ආරංචිමාර්ග සඳහන් කරන්නේ.
ඔහු අද (06) දිනයේදී මහර මහේස්ත්‍රාත් අධිකරණයට ඉදිරිපත් කිරීමට නියමිතව තිබේ.
මෙම සිද්ධියට අදාළව එවකට කැළණිය ප්‍රාදේශීය සභාවේ සභාපති වූ හිටපු රාජ්‍ය ඇමති ප්‍රසන්න රණවීර සහ මර්වින් සිල්වාගේ පුද්ගලික ලේකම්වරයා වූ සිංගප්පූරු සරත් නමැත්තා ද අත් අඩංගුවට ගැනීමට නියමිත අතර මේ වනවිට ඔවුන් දෙදෙනාම සැඟවී ඇති බවත් ආරංචිමාර්ග වැඩිදුරටත් සඳහන් කළේය.
