කොළඹ LNW:’14 වැනි පස්අවුරුදු සැලැස්මේ’ සංවර්ධන ඉලක්ක මැනවින් සපුරාලීම සඳහා ප්රබල ආර්ථිකයකින් සමන්විත පළාත් පෙරමුණ ගෙන කටයුතු කළ යුතු බව චීන ජනාධිපති ෂී ජින්පිං මහතා අවධාරණය කරයි. හෙතෙම ඊයේ(05) පස්වරුවේ 14 වැනි චීන ජාතික මහජන කොංග්රසයේ 3 වැනි සැසියේ Jiangsu පළාතේ නියෝජිත කණ්ඩායමේ සාකච්ඡාවට එක් වෙමින් මේ බව සඳහන් කළේය.
Jiangsu පළාත සිය වගකීම් හා යුතුකම් ඉටු කිරීමේදී තමාට අනන්ය වූ ලක්ෂන මැනවින් හඳුනා ගෙන විද්යා හා තාක්ෂණ නවෝත්පාදන සහ කර්මාන්ත නවෝත්පාදන ඒකාබද්ධ කිරීමට දායක විය යුතුය. සමස්ත ජනතාවට සැපවත් ජීවිතයක් පොදුවේ අත්විඳිය හැකි පරිදි ආදර්ශවත් කාර්යභාරයක් ඉටු කරන්නැයි ෂී ජින්පිං මහතා Jiangsu පළාත් නියෝජිතයින්ට උපදෙස් දී තිබේ.
පූර්ණ හා නිසි අයුරින් නව සංවර්ධන සංකල්ප අනුගමනය කළ යුතු බව පැවසූ ජනාධිපතිවරයා Jiangsu පළාතේ ව්යාපාරික පරිසරය අඛණ්ඩව යහපත් මට්ටමක පවත්වා ගත යුතු බව කියා සිටී. එමගින්, ජාත්යන්තර සහයෝගිතා වපසරිය පුළුල් කරමින්, ‘එක් තීරයක් එක් මාවතක්’ වැඩපිළිවෙළ පොදුවේ ගොඩ නැංවීමට වැඩි දායකත්වයක් ලබා දෙන ලෙසත්, ඉහළ මට්ටමේ සංවර්ධනය තහවුරු කරන ලෙසත් ජනාධිපතිවරයා එහිදී Jiangsu පළාත් නියෝජිතයින්ට උපදෙස් දුන්නේය.
ජනාධිපති ෂී ජින්පිං මහතා Jiangsu පළාතේ 14 වැනි චීන ජාතික මහජන කොංග්රසයේ නියෝජිතයෙකු වීම ද විශේෂත්වයකි.
දිනූෂි ධීරසිංහ
