ඉන්ධන සඳහා වැට් බද්ද අය නොකළේ නම් ඉන්ධන ලීටරයක මිල රුපියල් 50 – 55 වැනි අගයකින් අඩු කිරීමට හැකිවනු ඇති බව විදුලිබල හා බලශක්ති අමාත්‍ය කංචන විජේසේකර මහතා පවසයි.
ඒ අනුව ජනවාරි මාසයේ සිට වැට් බද්ද එකතුවීම ඉන්ධන මිල කෙරෙහි අවාසිසහගත ලෙස බලපෑ බවයි ඒ මහතා සඳහන් කළේ.
එසේම වත්මන් තත්වය අනුව බොරතෙල් ආනයනය කර, පිරිපහදු කර ඔටෝ ඩීසල් සහ ඔක්ටේන් 92 පෙට්‍රල් නිපදවා විකිණීමේදී ද වැට් බද්ද එකතු කිරීම නිසා දැන් පවතින මිල ගණන් අනුව එයින් අලාභයක් සිදුවන බවත් ඒ මහතා ප්‍රකාශ කළේය.
කංචන විජේසේකර මහතා මේ බව පැවසුවේ ජනාධිපති මාධ්‍ය කේන්ද්‍රයේ පැවති මාධ්‍ය හමුවක් අමතමිනි.
RN
