ජනාධිපති රනිල් වික්රමසිංහ මහතාගේ පළමු මහජන රැළිය අද (10) පස්වරු 02.00 ට කුලියාපිටිය නගරසභා පිටියේදී පැවැත්වීමට නියමිතව තිබේ.
එක්සත් ජාතික පක්ෂයේ හිටපු මහලේකම් අකිල විරාජ් කාරියවසම් මහතා විසින් සංවිධානය කර ඇති මෙම ජන රැළිය, එක්සත් ජාතික පක්ෂය ඉදිරි මැතිවරණ ඉලක්ක කරගනිමින් සිදුකරන ප්රචාරක ව්යාපාරයෙහි ආරම්භය වේ. එය “සැබෑව” යනුවෙන් නම් කර ඇත.
“විශේෂයෙන්ම මේ රට බංකොලොත් වුණාම, මේ රට අරාජික තත්වයට පත්වුණාම, මේ රටට නායකත්වයක් නැතිවුණාම, වර්තමාන ජනාධිපතිතුමා මේ අභියෝගය භාරගත්තා. මේ අභියෝගය භාර අරගෙන ක්රමක්රමයෙන් ඉදිරියට යමින්, මේ ප්රශ්න විසඳමින් මේ රටේ ජනතාවට හෙටක් උදාකර දෙන්න කටයුතු කරන ඒ වැඩපිළිවෙල අපි එක්සත් ජාතික පක්ෂයෙන් ආරම්භ කරනවා. ඒ නිසා තමයි එක්සත් ජාතික පක්ෂය අද ජනාධිපතිතුමා ප්රථම වතාවට කුලියාපිටියෙන් මේ සටන ආරම්භ කරන්න තීරණය කරලා තියෙන්නෙ” යනුවෙනුයි ඒ පිළිබඳව අදහස් දක්වමින් අකිල විරාජ් කාරියවසම් මහතා ප්රකාශ කළේ.
මෙම ජන රැළියට රුවන් විජේවර්ධන, වජිර අබේවර්ධන, පාලිත රංගේ බණ්ඩාර, සාගල රත්නායක, හරීන් ප්රනාන්දු, මනූෂ නානායක්කාර, රවී කරුණානායක, නවීන් දිසානායක යන පක්ෂයේ ඉදිරිපෙළ නායකයින් ඇතුළු විශාල පිරිසක් සහභාගී වීමට නියමිත ය.
RN
