සටහන – රෂිකා හෙන්නායක
මාර්තු 10, කොළඹ (LNW): අලුත්ගම නගරයේ සුඛෝපභෝගී නිවසක පවත්වාගෙන ගිය සූදුපොළක් වටලා කාන්තාවන් 8ක් සහ පිරිමි පුද්ගලයෙකු පොලීසිය විසින් අත්අඩංගුවට ගෙන තිබෙන බව පැවසේ.
මෙලෙස අත්අඩංගුවට ගෙන තිබෙන්නේ, කොස්ගොඩ, බලපිටිය, අලුත්ගම, කළුතර, බේරුවල, බෙන්තර, අහුන්ගල්ල යන ප්රදේශවල සිට පැමිණ සූදු ක්රීඩාවේ නිරතවෙමින් සිටි කාන්තාවන් පිරිසකුයි .
අලුත්ගම නගරයේ සතිපොළ පිහිටි භූමිය ආසන්නයේ සුඛෝපභෝගී දෙමහල් නිවසක ඉහළ මාලයේ මෙම සූදුපොළ පවත්වාගෙන ගොස් ඇත.
මෙම සූදුපොළ පවත්වාගෙන ගොස් තිබෙන්නේ, පහත මාලයේ රූපලාවණ්යාගාරයක් පවත්වාගෙන යන මුවාවෙනුයි .
උපාය දූතිකාවක් යොදවා සූක්ෂම ලෙස සිදු කළ සොයාබැලීමකින් අනතුරුව මෙම කාන්තාවන් පිරිස සහ සැකකරු අත්අඩංගුවට ගෙන තිබෙන අතර සූදුක්රීඩාවේ නිරතවෙමින් සිටි මුදල්ද පොලීසිය සිය භාරයට ගෙන තිබුණි.
වැඩිදුර පරීක්ෂණ අලුත්ගම පොලීසිය සිදුකරන බව පැවසේ.
