සටහන: සශිකලා මධුෂාණි
මාර්තු 16; ලෝකය(අවුට්බවුන්ඩ් ටුඩේ) : එක්සත් ජනපද ජනාධිපති ඩොනල්ඩ් ට්‍රම්ප් විසින් යේමනයේ අගනුවර වන සානා වෙත ගුවන් ප්‍රහාර මාලාවක් එල්ල කිරීමට නියෝග කර ඇති බව වාර්තා වේ.
ප්‍රහාර හේතුවෙන් අවම වශයෙන් සිවිල් වැසියන් 19 දෙනෙකු මිය ගොස් විසි දෙනෙකු තුවාල ලැබූ බව හවුති පාලනය කරන සෞඛ්‍ය අමාත්‍යාංශය නිවෙනය කර ඇත.
2023 අගභාගයේදී ඊශ්‍රායලය සහ හමාස් අතර යුද්ධය ආරම්භ වීමෙන් පසු ඉරානයේ පිටුබලය ලත් හවුති කැරලිකරුවන්, හමාස් සංවිධානයට සහය පළකිරීම වෙනුවෙන් පසුගිය වසයෙන් මිසයිල සහ ඩ්‍රෝන යානා යොදා ගනිමින් වෙළඳ නෞකා 100කට අධික සංඛ්‍යාවක් ඉලක්ක කර විනාශ කරණ ලදී. ඊට ප්‍රතිචාර වශයෙන් අවස්ථා කිහිපයකදී එක්සත් ජනපදය, ඊශ්‍රායලය සහ බ්‍රිතාන්‍යය මීට පෙර යේමනයේ හවුති පාලනය යටතේ පැවති ප්‍රදේශවලට පහර දී ඇති අතර හිටපු ජනාධිපති ජෝ බයිඩන්ද ප්‍රහාර මාලාවක දියත් කරන ලදී.
ඩොනල්ඩ් ට්‍රම්ප් බලයට පත්වීමෙන් අනතුරුව ක්‍රියාත්මක වූ මුල්ම ප්‍රහාරය මෙය වන අතර ඇමරිකානු වාණිජ හා නාවික යාත්‍රා ලෝකයේ ජල මාර්ගවල නිදහසේ යාත්‍රා කිරීම කිසිදු ත්‍රස්තවාදී බලවේගයකට නතර කළ නොහැකි බව ප්‍රකශ කළ ජනාධිපති ට්‍රම්ප් මෙහිදී ඉරානයටද හවුති වරුන්ට සහය දැක්වීම සම්බන්ධයෙන් අනතුරු ඇඟවා තිබිණි.
