තෙල්,විදුලිය සහ ගෑස් ප්‍රශ්න ඉදිරි දින දෙක තුන තුළ විසඳෙනු ඇති බව කර්මාන්ත අමාත්‍ය එස්.බී.දිසානායක මහතා පැවසුවේය.
අමාත්‍යවරයා මේ බව සඳහන් කළේ ඊයේ (21) රාත්‍රියේ කැබිනට් රැස්වීමෙන් අනතුරුව මාධ්‍ය වෙත අදහස් දක්වමිනි.
මෙම කාරණා සම්බන්ධයෙන් කැබිනට් රැස්වීමේදී සාකච්ජාවට ගැනුණු අතර ලෝකයේ භාණ්ඩ මිල ඉහළ යාම් දෙස බලන විට ලංකාව පසුවන්නේ ඉතා හොඳ තත්ත්වයක බවද අමාත්‍යවරයා කියාසිටියේය.
තෙල් ප්‍රශ්නයේදී සිදුව ඇත්තේ සාමාන්‍යයෙන් දිනකට අවශ්‍ය වන්නේ පෙට්‍රල්,ඩීසල් ටොන් 4500ක් පමණ වන බවත් නමුත් දැන් සියලුම දෙනා වගේ ෆුල් ටෑන්ක් තෙල් ගැසීමත්,කෑන් වලට ගැනීමත් නිසා එම ඉල්ලුම ටොන් 8000 පසුකරමින් තිබෙන බවයි දිසානායක මහතා පැවසුවේ.
එම තත්ත්වය මත මිස මේ රටේ පෙට්‍රල්,ඩීසල් හිඟයක් නොමැති බව හෙතෙම අවධාරණය කරයි.
ASK
