මේ වනවිට මුහුණ දී සිටින දැඩි මුල්ය අර්බුදයෙන් යම් සහනයක් ලබා ගැනීම සඳහා පසුගියදා ඉන්දියාවෙන් ඇමරිකානු ඩොලර් බිලියනයක ණය මුදලක් ලබා ගැනීමට රජය කටයුතු කළේය. අදාල ණය මුදල් අත්යවශ්ය ආහාර ද්රව්ය ආනයනය කිරීම සඳහා භාවිතා කරන බවයි ආණ්ඩුව ප්රකාශ කළේ.
ඒ අනුව මේ වනවිට කොළඹ වරායේ සිරවී තිබෙන ඉන්දියාවෙන් ආනයනය කළ අත්යවශ ආහාර ද්රව්ය ඇතුළත් බහාලුම් 1500 කට වැඩි ප්රමාණයක් නිදහස් කිරීමට අදාල මුදල් භාවිතා කිරීමට තීරණය කර තිබිණි. කෙසේ නමුත් එය යථාර්ථයක් නොවන බවයි මේ වනවිට වාර්තා වන්නේ.
ඇතැම් ඉන්දීය සැපයුම්කරුවන්, ඉන්දීය රුපියල් මත අදාල බහාලුම් නිදහස් කිරීමට අකමැත්ත පළකර ඇති අතර ඔවුන් පවසන්නේ බහාලුම් නිදහස් කිරීමට නම් ඇමරිකානු ඩොලර්වලින් ගෙවීම් සිදුකළ යුතු බවයි.
මේ අතර අත්යවශ්ය ද්රව්ය ආනයනකරුවන්ගේ සංගමය පවසන්නේ ඉන්දීය ණය පහසුකම මත අත්යවශ්ය ආහාර ද්රව්ය ආනයන කිරීම සඳහා තවත් පියවර කිහිපයක් සම්පූර්ණ වියයුතු බවයි. ඒ දක්වා ආනයන කටයුතු සඳහා ඉන්දීය ණය පහසුකම භාවිතා කිරීමට නොහැකි බවත්, ඒ අනුව ආනයන කටයුතු තවදුරටත් බිඳවැටෙනු ඇති බවත් ආනයකරුවන්ගේ සංගමය සඳහන් කරනවා.
UN
