වැටුප් මත බදු අයකිරීම, දීමනා කප්පාදුව ඇතුළු කරුණු කිහිපයක් මුල් කරගනිමින් අද (23) දිනයේදී වැඩවර්ජනයක නිරත වීමට ජල සම්පාදන හා ජලාපවහන මණ්ඩලයේ වෘත්තීය සමිති තීරණය කර තිබේ.
ඒ අනුව අද උදෑසන 9 සිට සවස 5 දක්වා දිවයින පුරා සියලු කාර්යාල සහ වැඩබිම්වල සියලුම සේවකයින් වැඩවර්ජනය කරන බවයි ජල සම්පාදන වෘත්තීය සමිති ඒකාබද්ධ සන්ධානයේ කැඳවුම්කරු ඉංජිනේරු උපාලි රත්නායක මහතා සඳහන් කළේ.
මීට සමගාමීව අද දහවල් 12 ට ජල සම්පාදන අමාත්‍යාංශය ඉදිරිපිට විරෝධතාවක් ද පැවැත්වීමට නියමිත බව ඒ මහතා පැවසීය.
මෙම වැඩවර්ජනය හේතුවෙන් අද දිනයේදී ජල සම්පාදන හා ජලාපවහන මණ්ඩලයේ සියලුම කාර්යාල හා පාරිභෝගික සේවාවන් ඉටු නොවන අතර අයකැමි අංශ ද වසා දැමෙන බව සඳහන්.
RN
