මේ වනවිට රටේ ජනතාවගෙන් සාතිශය බහුතරයකට ආණ්ඩුව එපා වී ඇති නිසා පක්ෂ පාට භේදයකින් තොරව ජනතාව ආණ්ඩු විරෝධී උද්ඝෝෂණ, රැස්වීම් සඳහා සහභාගි වන බව සමගි ජන බලවේගය පවසනවා. කෙසේ නමුත් ජනතාව රැස් වූ පමණින් ඔවුන් සියලු දෙනා තම පාක්ෂිකයන් සැයි සිතීම මුළාවක් බවද එම පක්ෂය අවධාරණය කරනවා.
ඊයේ නුගේගොඩදී පැවති ජාතික ජන බලවේගයේ රැස්වීම සම්බන්ධයෙන් අදහස් දක්වමින් අද පැවති මාධ්‍ය හමුවකදී සමගි ජන බලවේගයේ පාර්ලිමේන්තු මන්ත්‍රී තුෂාර ඉඳුනිල් මහතා මේ බව සඳහන් කළේය.
ආණ්ඩු විරෝධී ජනතාව විශාල ප්‍රමාණයක් ඊයේ රැළියට සහභාගි වූ නමුත් ඔවුන් සියලු දෙනා ජාතික ජන බලවේගයට ඡන්දය ලබා නොදෙන බවද තුෂාර ඉඳුනිල් මහතා ප්‍රකාශ කරනවා.
පක්ෂ භේදයකින් තොරව, නිල්-කොල-රතු භේදයකින් තොරව, ආණ්ඩුවට එරෙහිව පැවැත්වෙන රැස්වීම් සඳහා ජනතාව සහභාගි වන බවත්, ඊයේ ජනතාව පැමිණියේ අනුර කුමාර දිසානායක මහතාගේ පම්පෝරි ඇසීමට නොවන බව ඔවුන් තේරුම් ගතයුතු බවත් ඉඳුනිල් මහතා වැඩිදුරටත් සඳහන් කරනවා.
UN
