ශ්රී ලංකාවේ ණය තවදුරටත් තිරසාර නැති බවට ජාත්යන්තර මූල්ය අරමුදල සිය වාර්තාව හරහා අවධාරණය කර තිබෙන බව සමඟි ජන බලවේගයේ පාර්ලිමේන්තු මන්ත්රී හර්ෂ ද සිල්වා මහතා අද (26) පැවති මාධ්ය හමුවකදී පැවසුවේය.
202 වසරේ නොවැම්බරයේ සිටම මේ ණය ප්රතිව්යුහගත කිරීම ගැන ආණ්ඩුවට යෝජනා කරමින් සිටි බවයි මන්ත්රීවරයා සඳහන් කළේ.
මෙහිදී හිටපු මහ බැංකු අධිපති ඉන්ද්රජිත් කුමරස්වාමී මහතා පවසා තිබුණේ කිසිවිටෙකත් දේශීය ණය ප්රතුව්යුහගත කිරීමට එකඟ නොවන ලෙසත් එසේ වුවහොත් එහි බලපෑම එල්ල වන්නේ සේවක අර්ථ සාධක අරමුදලට බව ද මන්ත්රීවරයා කියා සිටියේය.
දේශීය ණය වැඩි වශයෙන් ඇත්තේ අර්ථ සාධක අරමුදල හරහා වන බවත් එයට අත තැබීම රටේ වැඩ කරන ජනතාවගේ මුදල් වලට අත තැබීමක් බවක් හර්ෂ ද සිල්වා මන්ත්රීවරයා පෙන්වාදුන්නේය.
එම නිසා රජයට සිදුවන්නේ විදේශීය ණය ප්රතිව්යුහගත කිරීමක් සඳහා සාකච්ජා ආරම්භ කිරීමට බව හෙතෙම අවධාරණය කළේය.
ASK
