නිශ්මං රණසිංහ මාර්තු 28 කොළඹ LNW :
කැලණියේ ශ්‍රී ධර්මාලෝක විද්‍යාලය, ශ්‍රී ලංකා ක්‍රිකට් (SLC) විසින් සපයන ලද අරමුදල් යොදා අලුතින් ඉදිකරන ලද පුහුණු තණතිලි පහක් විවෘත කළේය.
රට පුරා සිටින දක්ෂ තරුණ ක්‍රිකට් ක්‍රීඩකයින්ට ඔවුන්ගේ කුසලතා වර්ධනය කර ගැනීමට සහ ජාතික කණ්ඩායම නියෝජනය කිරීමට සමාන අවස්ථා ලබා දීම අරමුණු කර ගෙන ක්‍රියාත්මක ශ්‍රී ලංකා ක්‍රිකට් හී ජාතික මාර්ග වැඩසටහනට අයත් මුලපිරීමක් ලෙස හිමි වූ මෙම නව පහසුකම, සියලුම වයස් කාණ්ඩ හරහා ක්‍රිකට් ක්‍රීඩා කරන විද්‍යාලයේ ක්‍රිකට්වල, ප්‍රමිතීන් ඉහළ නැංවීමට උපකාරී වනු ඇතැයි අපේක්ෂා කෙරේ.
ශ්‍රී ලංකා ක්‍රිකට් ආයතනයේ ජාතික සංවර්ධන මධ්‍යස්ථානයේ (NDC) ප්‍රධානී කමල් ධර්මසිරි මහතාගේ සහභාගීත්වයෙන් මෙම නව කඩුලු විවෘත කිරීමේ උත්සවය පසුගිය සතියේ පැවැත්විණි.ශ්‍රී ලංකා පාසල් ක්‍රිකට් සංගමයේ සහකාර ලේකම් කමල් ඉන්ද්‍රජිත් මහතා; විද්‍යාලයේ විදුහල්පති විපුල කුලතුංග මහතා; ගුරුවරුන්, සිසුන් සහ ආදි ශිෂ්‍ය සංගමයේ සාමාජිකයින් මෙම විවෘත කිරීමේ අවස්ථාවට සහභාගී වූහ.
ශ්‍රී ලංකා ක්‍රිකට් ආයතනයේ සහාය ඇතිව ශ්‍රී ලංකා පාසල් ක්‍රිකට් සංගමය විසින් සංවිධානය කරන ලද පාසල් ක්‍රිකට් තරඟාවලියේ 1 වන කාණ්ඩයට ක්‍රීඩා කිරීමට එහි 19 න් පහළ කණ්ඩායම සුදුසුකම් ලැබීම නිසා නව කඩුලු පාසලට පරිත්‍යාග කරන ලදී.විද්‍යාලයේ 15 න් පහළ සහ 17 න් පහළ කණ්ඩායම් දැනටමත් 1 වන කාණ්ඩයේ තරඟ වදින අතර 13 න් පහළ කණ්ඩායම් 2 වන කාණ්ඩයේ ක්‍රීඩා කරයි.
