සටහන: සශිකලා මධුෂාණි
මාර්තු 28; ලෝකය(අවුට්බවුන්ඩ් ටුඩේ) : මියන්මාරයේ ජනගහනය මිලියන 1.5 ක් වෙසෙන මැන්ඩලේ නගරයට බලපෑ රිච්ටර් මාපක 7.7 ක භූමිකම්පාව හා ඉන අනතුරුව ඇති වූ රිච්ටර් මාපක 6.4 ක ප්රබල පසු කම්පන හේතුවෙන් මියගිය සංඛ්යාව 144 දක්වා සීග්රයෙන් ඉහල ගොස් ඇති බව වාර්තා වේ.
මියන්මාරයට බලපෑ භූ කම්පනයෙන් අනතුරුව තායිලන්තය, ඉන්දියාව සහ චීනය පුරා පසු කම්පන රැසක් ඇති වි ඇති අතර මියන්මාරයේ පාලක හමුදාව පවසන්නේ මියගිය සංඛ්යාව සීග්රයෙන් ඉහල යා හැකි බවයි.
මේවන විට මියන්මාරයේ පාලක හමුදාව කලාප සහ ප්රාන්ත හයක හදිසි තත්වයක් ප්රකාශයට පත් කර ඇති අතර සුන්බුන් යට සිරවී සිටින පුද්ගලයන් සොයා සහන සේවා ක්රියාත්මක වෙමින් සිටින අතර දල වශයෙන් 81 දෙනෙකු අතුරුදන්ව ඇත.
මියන්මාරයේ භූමිකම්පා සාපේක්ෂව සුලභ වන අතර ආසියාවේ දුප්පත්ම රටවලින් එකක් වන මියන්මාරය, 2021 හමුදා කුමන්ත්රණයකින් ඇති වූ සිවිල් යුද්ධයකින් පීඩා විඳිමින් සිටී. දුර්වල යටිතල පහසුකම් නිසා ප්රධාන ස්වාභාවික විපත් වලට මුහුණ දීමට එය ප්රමාණවත් නොවේ. රටේ ස්වාටස් ප්රදේශ මිලීෂියා කණ්ඩායම් විසින් මෙහෙයවනු ලබන අතර, විශ්වාසදායක තොරතුරු රැස් කිරීම අතිශයින් දුෂ්කර කරවන අතර ගැටුම් කලාපවල සන්නිවේදනය ද හමුදාව නිතිපතා කපා දමා ඇත.
එක්සත් ජාතීන්ගේ සංවිධානයට අනුව, සටන් හේතුවෙන් මියන්මාරයේ මිලියන තුනකට අධික ජනතාවක් අවතැන් වී ඇති අතර, පුළුල් ආහාර අනාරක්ෂිතභාවයක් සහ ජනගහනයෙන් තුනෙන් එකකට වඩා මානුෂීය ආධාර අවශ්ය වේ.
