ලබන මාසයේදී 22 වැනි ආණ්ඩුක්‍රම ව්‍යවස්ථා සංශෝධන කෙටුම්පත පාර්ලිමේන්තුවට ඉදිරිපත් කරන බව පිවිතුරු හෙළ උරුමයේ නායක උදය ගම්මන්පිල මහතා පවසනවා. මෙම සංශෝධනය හරහා ද්විත්ව පුරවැසියෙකුට රට පාලනය කිරීමට අදාල කිසිදු තනතුරක් දැරීම තහනම් කරන බවයි මන්ත්‍රීවරයා පවසන්නේ.
19 වැනි ව්‍යවස්ථා සංශෝධනය හරහා ජනාධිපති ධුරය, පාර්ලිමේන්තු මන්ත්‍රී ධුරය පමණක් ද්විත්ව පුරවැසියන්ට සීමා කර තිබිණි. කෙසේ නමුත් එය ප්‍රමාණවත් නොවන බව පෙන්වා දෙන මන්ත්‍රීවරයා පවසන්නේ ජනාධිපතිවරයෙකු, මන්ත්‍රීවරයෙකු ලෙස පත්වීම පමණක් නොව රාජ්‍ය සේවයේ කිසිදු තනතුරක් දැරීම ද්විත්ව පුරවැසියන්ට තහනම් කළයුතු බවයි.
19 වැනි සංශේධනය හරහා වසා දැමීමට නොහැකි වූ, රිංගා යෑමට අවස්ථාව තිබූ හිල් කිහිපයක් වසා දැමීම 22 වන සංශෝධනයේ අරමුණ බවද ගම්මන්පිල මහතා සඳහන් කරනවා.
ද්විත්ව පුරවැසියන්ට ජනාධිපති ධුරය හෝ පාර්ලිමේන්තු මන්ත්‍රී ධුරය දැරීම තහනම් කළද එම වගන්තිය 20 වැනි සංශෝධනය හරහා ඉවත් කළ අතර ඒ සඳහා උදය ගම්මන්පිල මහතා පක්ෂව සිය ඡන්දය ප්‍රකාශ කළේය.
UN
