රෂිකා හෙන්නායක මාර්තු 29 , කොළඹ (LNW):
වර්තමානය වනවිට මෙරට තරුණ පිරිස අතර HIV අසාදිතයින් වාර්තා වීම කැපී පෙනෙන ලෙස වර්ධනය වෙමින් ඇතැයි සෞඛ්‍ය අමාත්‍යාංශය පවසයි. පසුගිය වසරේදී අවුරුදු 15 ත් 24 ත් අතර වයස් කාණ්ඩයේ පසුවන පිරිස අතරින් HIV අසාදිතයින්115ක් හඳුනාගෙන ඇති බව, ජාතික ලිංගාශ්‍රිත රෝග හා ඒඩ්ස් මර්දන වැඩසටහන පැවසුවේය.
පසුගිය වසරේදී මෙරටින් වාර්තා වී ඇති සමස්ත HIV අසාදිතයින් සංඛ්‍යාව 824ක් වන අතර, ඒ අතරින් 718 ක්ම පිරිමි පුද්ගලයින් වේ. පසුගිය වසරේදී වාර්තා වූ ඒඩ්ස් මරණ ගණන 47කි. එම සංඛ්‍යාව 2023 වර්ෂය හා සැලකීමේදී 20% කින් පහළ යාමක් බව සෞඛ්‍ය අමාත්‍යාංශය පෙන්වා දෙයි.
ශ්‍රී ලංකාව තුළ HIV ව්‍යාප්තිය වැඩිවෙමින් පවතින බැවින් කඩිනමින් පරීක්‍ෂණ වෙත යොමුවන ලෙස,ජාතික ලිංගාශ්‍රිත රෝග හා ඒඩ්ස් මර්දන වැඩසටහන දැනුම් දෙයි.
