පවතින ඉන්ධන හිඟය විවිධ ක්ෂේත්‍රයන්ට සෘජුවම බලපා ඇති බවක් දක්නට ලැබේ. ලංකා ඛනිජ තෙල් සංස්ථාව ඉන්ධන තොග ලැබී තිබෙන බව ප්‍රකාශ කළ ද අදත් දිවයිවේ බොහෝ ස්ථාන වල ඉන්ධන පෝලීම් දක්නට ලැබිණි.
මේ අතර, ජාතික ජල සම්පාදන හා ජලාපවහන මණ්ඩලය පවසා සිටියේ තම ජල පිරිපහදු මධ්‍යස්ථාන වල ක්‍රියාත්මක වන විදුලි ජනන යන්ත්‍ර ක්‍රියාකරවීමට අවශ්‍ය ඩීසල් නිසි පරිදි නොලැබුනහොත් බොහෝ ප්‍රදේශ වලට ජලය සැපයීමට නොහැකි වනු ඇති බවයි. මෙම තත්ත්වය විදුලිය ඇණහිටින අවස්ථා වලදී බලපෑමට ඉඩ ඇති බවයි ජාතික ජල සම්පාදන හා ජලාපවහන මණ්ඩලය අනතුරු අඟවා සිටියේ.
එමෙන්ම, දිවයිනට බලපා ඇති වියලි කාලගුණික තත්ත්වය හේතුවෙන් ජල ඉල්ලුම ඉහළ ගොස් තිබේ.
ජාතික ජල සම්පාදන හා ජලාපවහන මණ්ඩලය ජනතාවගෙන් ඉල්ලා සිටියේ පවතින තත්ත්වය තුළ ජලය අරපිරිමැස්මෙන් භාවිතා කරන ලෙසයි.
MIAP
