රෂිකා හෙන්නායක මාර්තු 30 , කොළඹ (LNW):
”ඇගේ ගමනට සහය වෙමු” පළාත් පාලන ඡන්ද විමසීමට ඉදිරිපත්ව සිටින කාන්තා අපේක්ෂිකාවන්ටයන්න තේමා කරගනිමින්, පළාත් පාලන ඡන්ද විමසීම සඳහා ඉදිරිපත්ව සිටින කාන්තා අපේක්ෂිකාවන්ට වන හිංසන වැළැක්වීම සඳහා විශේෂ වැඩපිළිවෙළක් ආරම්භ කර තිබේ.
අන්තර්ජාලය සහ සමාජ මාධ්‍ය ඔස්සේ සිදුවන හිංසන සම්බන්ධයෙන් එහිදී විශේෂ අවධානයක් යොමුකරන බව, කාන්තා හා ළමා කටයුතු අමාත්‍ය සරෝජා සාවිත්‍රි පෝල්රාජ් මහත්මිය සඳහන් කළේය.
සමාජ මාධ්‍ය ඔස්සේ අපේක්ෂිකාවන්, ප්‍රචණ්ඩත්වයට , මර්දනයට, අපහාස කිරීම් වලට සහ ලිංගික හිංසනයට ගොඳුරුවන බව, ඇය සඳහන් කළ අතර, ඊට එරෙහිව නීතිමය පියවර ගැනීමේ වැඩපිළිවෙළක් ක්‍රියාත්මක වන්නේ, පාර්ශ්ව රැසක දායකත්වයෙන් බවද වර්තා වේ.
