මෙරට සීනි පරිභෝජනයෙන් 10%කට ආසන්න ප්රමාණයක් පැලවත්ත සහ සෙවනගල සීනි කර්මාන්තශාලා මගින් දේශීයව නිෂ්පාදනය කරනු ලබන අතර, එම කර්මාන්තශාලා මගින් පවුල් ලක්ෂ 2කට අධික ප්රමාණයකට සෘජු සහ වක්ර රැකියා සපයාදී තිබේ.
පසුගිය වසරේ රුපියල් බිලියන 3ක වැඩිම ලාභයක් ඉපැයීමට සෙවනගල සීනි කර්මාන්තශාලාවට හැකිවූ අතර, පැලවත්ත කර්මාන්ත ශාලාව ද සෑම වසරකම ලාභාංශ ඉහළ නංවාගෙන තිබේ.
පසුගිය මාර්තු මාසයේ දී රුපියල් මිලියන 350ක් මහා භාණ්ඩාගාරය වෙත ලබාදීමට ද එම කර්මාන්ත ශාලා දෙකට හැකිව තිබේ.
එසේ තිබිය දී 2011 අංක 43 දරණ ඌන ක්රියාකාරී හෝ ඌන උපයෝජිත වත්කම් පුනරුදය කිරීමේ පනත යටතේ රජයට පවරා ගත් පැලවත්ත හා සෙවනගල සීනි කර්මාන්තශාලා නැවතත් පෙර ආයෝජකයින් වෙත ලබාදීම සඳහා රජය සැරසෙන බවට පළවන වාර්තාවන් පිළිබඳව විපක්ෂ නායකවරයා ඊයේ (04) ආණ්ඩු පක්ෂයෙන් ප්රශ්ණකර සිටියේය.
RN
