සටහන – රෂිකා හෙන්නායක
කොළඹ (LNW): ජාතික මැතිවරණ කොමිෂන් සභාව පවසන්නේ පළාත් පාලන මැතිවරණය අප්රේල් 25 වැනි දා පැවැත්වීම දැඩි අවිනිශ්චිත තත්ත්වයක පවතින බවයි . පවතින තත්ත්වය අනුව මැතිවරණය නියමිත දින පැවැත්වීම ගැටලු සහගත බව එහි ජ්යෙෂ්ඨ නිලධාරියෙකු සඳහන් කළේය .
2017 අංක 16 දරණ පළාත් පාලන මැතිවරණ පනතේ සඳහන් පරිදි දින වකවානු සලකා බැලීමේදී අප්රේල් 25 වැනි දා මැතිවරණය පැවැත්වීම කිසිසේත්ම සිදුකළ නොහැකි වනු ඇති බවත් , පළාත් පාලන මැතිවරණය සඳහා අවශ්ය මූල්ය ප්රතිපාදන ද මේ දක්වා නිසි පරිදි ලැබී නොමැති බවත් පවසයි .
මැතිවරණ කොමිෂන් සභාව පැවසූවේ , මැතිවරණ ඉදිරි කටයුතු සම්බන්ධයෙන් සහ මතුව ඇති ගැටලුකාරී තත්ත්වයන් ගැන සාකච්ඡාවට පළාත් පාලන විෂය භාර අමාත්යවරයා ලෙස අග්රාමාත්ය දිනේෂ් ගුණවර්ධන මහතා සමග සාකච්ඡාවක් ඉල්ලා සිටිය ද ඊට මෙතෙක් අවස්ථාව හිම වී නොමැති බවයි .
