මාවනැල්ල, පදෝදොර ප්රදේශයේදී ආරවුලක් විසඳීමට ගිය අවස්ථාවකදී ඊයේ (06) රාත්රියේ පොලීසිය සිදුකළ වෙඩිතැබීමකින් පුද්ගලයකු මරණයට පත්ව තිබේ.
මෙසේ මියගොස් ඇත්තේ එම ප්රදේශයේම පදිංචි 53 හැවිරිදි අයෙකි.
ආරවුලක් සම්බන්ධයෙන් ලැබුණු දුරකථන ඇමතුමක් අනුව එහි ගිය අවස්ථාවේදී ආරවුලට සම්බන්ධ පුද්ගලයෙකු පොලිස් නිලධාරියෙකුට පහරදී ඇති අතර එහිදී තවත් පොලිස් නිලධාරියෙකු අහසට වෙඩිතබා ඇති බවත් අදාළ පුද්ගලයා ඔහුට ද පහරදීමට ගිය අවස්ථාවේදී පොලිස් නිලධාරියෙකු විසින් වෙඩිතැබීමක් ද සිදුකර ඇති බවත් පොලිසිය පවසයි.
එම වෙඩිතැබීමෙන් පෙරකී පහරදීම සිදුකළ පුද්ගලයාගේ පියාට වෙඩිවැදී ඇති අතර ඔහු මාවනැල්ල රෝහලට ඇතුළත් කිරීමෙන් පසු මියගොස් ඇත.
කෙසේවෙතත් මියගිය පුද්ගලයා මත්ද්රව්ය ජාවාරම්වලට සම්බන්ධ අපරාධකරුවකු බවයි පොලීසිය පවසන්නේ.
සිදුවීමෙන් තුවාල ලැබූ බව කියන පොලිස් නිලධාරීන් දෙදෙනෙකු ප්රතිකාර සඳහා මාවනැල්ල රෝහලට ඇතුළත් කර ඇති බව සඳහන්.
පොලිස් නිලධාරීන්ට පහරදුන් බව කියන පුද්ගලයා පළාගොස් ඇති අතර ඔහුව සොයා විමර්ශන ක්රියාත්මක කර ඇති බවත් පොලීසිය පවසයි.
RN
