සටහන – රෂිකා හෙන්නායක
කොළඹ (LNW): මහ සිකුරාදා දිනය ලොව පුරා කිතුණු බැතිමතුන් අද සමරනු ලබන්නේ ජේසුස් ක්රිස්තුස් වහන්සේ කුරුසිය මත දිවි පිදීම මහත් බැතියෙන් සිහිපත් කරමිනි .
අළු බදාදායින් ඇරඹුණු දින 40ක් පුරා නිරාහාර ශීලය, දාන මාන, කිතු සමිදානන්ගේ කුරුස ගමන සිහිපත් කරන පාද නමස්කාරයේ යෙදීම ආදි ආගමික වල වතාවත් නිරත වී ජේසුස් වහන්සේගේ දුක් ප්රාප්තිය සිහිකරමින් කිතුණුවන් තම භක්තිය විදහාපෑම සිදු කරයි.
උන්වහන්සේ මරණයෙන් උත්ථානය වීම සිහිපත් කිරීම හෙවත් පාස්කු ඉරිදා දින ලබන 09 යෙදි තිබෙන අතර, ජේසුස් ක්රිස්තුස් වහන්සේ කුරුසය මත දිවි පිදීම අද දිනයේ දී සිහිපත් කරයි .
පොලිස් මාධ්ය ප්රකාශක ජ්යේෂ්ඨ පොලිස් අධිකාරී නීතිඥ නිහාල් තල්දූව මහතා සඳහන් කළේ, මෙවර පාස්කු සතිය තුළ කිතුණු දේවස්ථාන ආශ්රිතව විශේෂ ආරක්ෂක වැඩපිළිවෙළක් ක්රියාත්මක වන බවයි .
