සටහන – නිශ්මං රණසිංහ
අප්‍රේල් 13, කොළඹ (LNW): දකුණු අප්‍රිකාවේ සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම අද සිය දෙවන එක්දින තරගයට මුහුණ දෙනවා.පළමු තරගය වර්ෂාව හමුවේ ජය පරායෙන් තොරව නිමා වූ නිසා මේ තරගයේ තීරණය තරගාවලියේ කණ්ඩායමක් පෙරමුණට ගෙන ඒම සඳහා වැදගත් වෙනවා.
අද සහභාගි වන කණ්ඩායම් දෙකේ දත්ත සළකා බැලීමේදී ජයගග්‍රහණ අතින් දකුණු අප්‍රිකාව ඉදරියෙන් සිටියත්, කණ්ඩායම් දෙකේ වැඩිම ලකුණුලාභිණිය සහ කඩුලුලාභීණිය සළකා බැලීමේදී ඉදිරියෙන් සිටින්නේ චමරි අතපත්තු සහ ඕෂධී රණසිංහයි.චමරි තරග 10 දී ලකුණු 471 ලබා සිටින්නේ ඉණිමක සාමාන්‍ය 67.29 ක් ලෙස තබාගෙනයි.ඕෂධි තරග 8 දී කඩුලු 13 ක් ලබා සිටිනවා.එහි සාමාන්‍ය 5.74 ක් ලෙස සටහන් වෙනවා.එසේම දෙපිලේ තුන් ඉරියව් දක්ෂතා සළකා බැලීමේදී පිතිකාරිණියක ලෙසත්,පන්දු යවන්නියක ලෙසත් ශ්‍රී ලංකා කණ්ඩායමේ දක්ෂතා අතර දෙවන තැන සිටින්නී කවීශා දිල්හාරිත් පෙරමුණේ සිටිනවා.
මේ මොහොතේ ශ්‍රී ලංකා කණ්ඩායමේ පිතිකරණ බල ඇණිය ඉතාම ප්‍රබල තත්ත්වයක පසුවන අතර චමරි අතපත්තු ප්‍රමුඛව හර්ෂිතා සමරවික්‍රම,විශ්මි ගුණරත්න,කවීශා දිල්හාරි,නිලක්ෂි ද සිල්වා මෙන්ම හසිනි පෙරේරා ද සිටින්නේ ලකුණු අතර මෙන්ම සැළසුමකට හඹා යාමේ ඉහළ තලයකයි.එහෙත් එක්දින ක්‍රීඩා තරග ව්‍යහුය තුළ අත්දැකීම් මදකමක් ශ්‍රී ලංකා කණ්ඩායම තුළ තිබෙන අතර මේ තත්ත්වයට ප්‍රතිකර්ම ලෙස ශ්‍රී ලංකා ක්‍රිකට් විසින් පැවත් වූ එක්දින තරගාවලිය තුළ ලද අත්දැකීම්වල ප්‍රතිපල කවරේද යන්න විමසා බැලීමටත් මේ අවස්ථාව වැදගත් වෙනවා.
