රෂිකා හෙන්නායක
අද (18) දින මහනුවර ශ්‍රී දළදා මාළිගාවේ වැඩවෙසෙන ශ්‍රී දන්ත ධාතූන් වහන්සේ සියැසින් දැක වැඳපුදාගැනීමේ උතුම් අවස්ථාව මෙරට සැදැහැවත් ජනතාවට උදා විය.
එහි සමාරම්භක අවස්ථාවට ජනාධිපති අනුර කුමාර දිසානායක මහතා ද එක් විය.
දළදා වහන්සේ වැඩ සිටින විශේෂ කුටිය වෙත ගොස් දළදා සමිඳුන් වැඳපුදාගෙන ජනාධිපතිවරයා ආශිර්වාද ලබා ගත්තේය.
අද පස්වරු 03 සිට පස්වරු 05 දක්වා දළදා වහන්සේ දැක වැඳපුදා ගැනීමේ අවස්ථාව ජනතාවට හිමි වූ අතර, ඒ සඳහා ලක්ෂ සංඛ්‍යාත සැදැහැවතුන් පිරිසක් මහනුවර නගරයට පැමිණ සිටි බව වාර්තා වේ.
