ශ්‍රී ලංකා නිදහස් පක්ෂයේ ජාතික ලැයිස්තු පාර්ලිමේන්තු මන්ත්‍රී සුරේන් රාඝවන් මහතා ඊයේ (18) දිනයේදී අධ්‍යාපන සේවා සහ ප්‍රතිසංස්කරණ රාජ්‍ය අමාත්‍යවරයා ලෙස දිවුරුම් දී තිබිණි.
මීට දින කිහිපයකට පෙර ඒ මහතා ජනාධිපතිවරයාව දැඩි ලෙස විවේචනය කරමින් ජනාධිපතිවරයා ඉල්ලා අස්විය යුතු බව සමාජ මාධ්‍ය තුළ සටහන් කර තිබුණු අතර ඔහුට පෙර මේ ආකාරයෙන්ම ආණ්ඩුවේ රාජ්‍ය ඇමතිකමක් භාරගත් ශාන්ත බණ්ඩාර මහතාව තදින් විවේචනයට ලක්කර ද තිබිණි.
එසේම 20 වැනි ආණ්ඩුක්‍රම ව්‍යවස්ථා සංශෝධනයට අත එසවීම තමන් සිදුකරගත් විශාලතම වරද බවටත් ඒ මහතා පිළිගෙන තිබුණු අතර තමන් මියයන්නට පෙර ඒ වරද නිවැරදි කිරීම සඳහා හැකි සෑමදෙයක්ම කරන බවටත් පොරොන්දු වී තිබිණි.
ඒ අනුව සුරේන් රාඝවන් මහතාගෙන් අපට අසන්නට ඇත්තේ ඔහු මෙම ඇමති ධුරයෙහි දිවුරුම් දුන්නේ රෙදිත් ඇඳගෙනද කියා ය.
සුරේන් රාඝවන් මහතා මේ වනවිට සිය ෆේස්බුක් පිටුවෙන් අදාළ සටහන් මකා දමා ඇතත් ඊට පෙර ලබාගත් ඡායාරූප සමාජ මාධ්‍ය තුළ සංසරණය වෙමින් තිබෙන අතර ඒවා පහතින් දැක්වේ.
RN
