සටහන – රෂිකා හෙන්නායක
අප්රේල් 25, කොළඹ (LNW): ලබන 30 වැනිදා මධ්යම රාත්රී සිට මෙවර අධ්යයන පොදු සහතික පත්ර සාමාන්ය පෙළ විභාගය ඉලක්ක කරගනිමින් සිදුකෙරෙන උපකාරක පංති, සම්මන්ත්රණ පැවැත්වීම අත්හිටුවන බව විභාග දෙපාර්තමේන්තුව පවසයි.
එදින මධ්යම රාත්රී 12.00 සිට උපකාරක පංති, සම්මන්ත්රණ, වැඩමුළු ආදී විභාගය ඉලක්ක කරගනිමින් සිදුකෙරෙන කටයුතු අත්හිටවනු ඇත.
එම නීති උල්ලංඝනය කරන පුද්ගලයින් සම්බන්ධයෙන් දැඩි ක්රියාමාර්ග ගැනීමට ද නියමිත අතර, අධ්යයන පොදු සහතික පත්ර සාමාන්ය පෙළ විභාගය මැයි 06 සිට 15 වන දින දක්වා පැවැත්විමට සැලසුම් කර තිබෙන බව නිවේදනය කරයි.
විභාග දෙපාර්තමේන්තුව වැඩිදුරටත් සඳහන් කළේ, පසුගියදා පැවති අධ්යයන පොදු සහතික පත්ර උසස් පෙළ විභාගයේ ප්රතිඵල මැයි මස අග නිකුත් කිරීමට කටයුතු කරන බවයි.
