සටහන – රෂිකා හෙන්නායක
අප්‍රේල් 26, කොළඹ (LNW):
පා.ම. නීතිඥ වසන්ත යාපාබණ්ඩාර මහතා අද දින(26) පාර්ලිමේන්තුවේදී පාස්කු ප්‍රහාරය පිළිබඳ පළකළ අදහස්.
” පාස්කු ප්‍රහාරය පිළිබඳ මේ වාද විවාද තවදුරටත් අපි දිගින් දිගටම ඇදගෙන යාමේ ඵලක් නැහැ.පාස්කු ප්‍රහාරය ගත වෙලා වසර 5ක් ගත වෙලත් තවම මියගිය සංඛ්‍යාවවත් නිෂ්චිත තොරතුරු නැහැ.පාස්කු ප්‍රහාරයේ අවම වශයෙන් මිය ගිය පුද්ගලයන්ගේ සංඛ්‍යාවවත් තවම නිෂ්චිතව සඳහන් වෙලා නැහැ. විමර්ෂණය කරන්න පත් කරපු විවිධ කමිටු වල විවිධ සංඛ්‍යාවන් සඳහන් වෙනවා.
මේ නිසා මේ කමිටු වලින් ඉදිරිපත් කරන නිර්දේශ ගැන මහජනතාව විශ්වාසයක් ඇති කරන්නේ කෙසේද?පසුගිය ජනාධිපති කොමිසමෙන් කිව්වා මියගිය අයෙකුට රු. මිලියන 2ක ලබාදෙනවා කියලා නමුත් තවම ලබාදීලා තියෙන්නේ මිලියනයක් පමණයි.අබාධිත වූ යට දෙන්නේ රු. 50000 සිට ලක්ෂ 5 දක්වා පමණයි.මේ විවාදය පවත්වපු කාලය තුල පමණක් කෝටි 35ක් අපි මේ පාර්ලිමේන්තුවේ කාබාසිනියා කරලා දැම්මනමි ඒ මුදලත් දෑස් අන්ධ වෙච්ච පාස්කු ප්‍රහාරයේ වින්දිතයකුට ලැබුණ මුදලත් සන්සන්දනය කරලා බලන්න.
මේ ගත වෙච්ච විවාද 5දී දැවැන්ත මුදල් ප්‍රමාණයක් රටට අහිමි වුනා.හන්තාන ඌරාගල වතුයායේ JDB ඉඩම් අක්කර 22ක ඉඩම් මංකොල්ලයක්. මේ වෙනකොටත් කටු කම්බි ගහලා වෙන්කරගෙන. JDB එකේ ලොක්කෝ හොර ඔප්පු ගහලා හන්තාන බෙදාගෙන කන තත්වෙට පත්වෙලා”
