සටහන – රෂිකා හෙන්නායක
අප්‍රේල් 27 , ලෝකය (අවුට්බවුන්ඩ් ටුඩේ): ඊශ්‍රායල බෝම්බ ප්‍රහාරවලින් කාන්තාවන් සහ ළමයින් ඇතුළු 15 දෙනෙක් මිය ගොස් ඇති බව වාර්තා වේ.
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්‍රහාර එල්ල වී ඇත.
රෝහල් තුළ සිදු විය හැකි ඊශ්‍රායල යුද අපරාධ සම්බන්ධයෙන් ජාත්‍යන්තර පරීක්ෂණයක් පැවැත්විය යුතු බව, ගාසාවේ සිවිල් ආරක්‍ෂක අංශය පවසයි.මේ පිළිබඳ අවධානය යොමුව ඇත්තේ, නසාර් රෝහල අසල සමූහ මිනීවළකින් සිරුරු සිය ගණනක් ගොඩගැනීමත් සමඟයි.
ගාසා තීරයේ මිලියනයකට වඩා වැඩි පිරිසක් මේ වන විට අවතැන්ව සිටින අතර, ඔක්තෝබර් 7 දා සිට ගාසා තීරයට ඊශ්‍රායල එල්ල කරන ප්‍රහාරවලින් පලස්තීනුවන් 34,356 ක් මිය ගොස් 77,368 ක් තුවාල ලබා ඇත.
